وارنر کے زوردار اسٹروک سے اسٹینڈ میں موجود ننھے افغان شائق کا ہاتھ زخمی ہوگیا

2 افراد کیچ پکڑنے کی کوشش میں ایک دوسرے پر گر پڑے، عقب میں موجود بچے کا ہاتھ زخمی ہو گیا۔ فوٹو: فائل

---

افغانستان کیخلاف ورلڈ کپ میچ میں آسٹریلوی اوپنر ڈیوڈ وارنر کے زوردار اسٹروک سے اسٹینڈ میں موجود ننھے افغان شائق کا ہاتھ زخمی ہوگیا۔

آسٹریلیا اور افغانستان کے میچ کے دوران گیند جب کراؤڈ کی جانب لپکی تو اگلی رو میں بیٹھے2 افراد کیچ پکڑنے کی کوشش میں ایک دوسرے پر گر پڑے، عقب میں موجود بچے نے آخری لمحات میں اپنا ہاتھ آگے کردیا جس سے اسے شدید چوٹ پہنچی، دلچسپ بات یہ ہے کہ اس کا والد موبائل فون پر مصروف تھا۔ بعد میں جب کیمرے نے اسے دکھایا تو اس کا ہاتھ پٹیوں میں لپٹا ہوا تھا تاہم چہرے پر مسکراہٹ تھی۔