رینجرز سے مقابلے میں لیاری گینگ وار کے 5 ملزمان ہلاک

رینجرز سے 2 مختلف مقابلوں میں لیاری گینگ وار کے 5 اہم ملزمان ہلاک ہو گئے۔


ترجمان سندھ رینجرز کی جانب سے جاری بیان میں کہا گیا ہے کہ لیاری میں 2 مختلف مقابلوں میں لیاری گینگ وار کے 5 ملزمان مارے گئے۔ 2 ملزمان کی شناخت شہباز عرف شیبو اور ناظم عرف شرابی کے نام سے ہوئی جو ملزم بھتہ، اغوا برائے تاوان اور قتل کی 20 سے زائد وارداتوں میں ملوث تھے، علی عرف جھٹ پٹ نامی ملزم قتل کی 60 وارداتوں میں ملوث تھا جب کہ عامر بخش اور خدا بخش قتل کی 14 وارداتوں میں ملوث تھے۔ ترجمان رینجرز کے مطابق مقابلے میں ہلاک ہونے والے ملز مان کا تعلق بابا لاڈلا کے غفار ذکری گروپ سے تھا۔