ایران کا اسرائیل کو تباہ کرنے کا کوئی ارادہ نہیں جواد ظریف

نیتن یاہو تاریخ کا مطالعہ کریں، ایرانی بادشاہوں نے 3 بار یہودیوں کو بچایا تھا، ایرانی وزیر خارجہ

APP March 07, 2015

اسرائیل کی موجودہ حکومت ایران کے لیے سنگین خطرہ ہے، جواد ظریف۔۔فوٹو: فائل

ایران کے وزیر خارجہ جاوید ظریف نے کہا ہے کہ ایران کا اسرائیل کو تباہ کرنے کا کوئی ارادہ نہیں۔

امریکی ٹی وی چینل کو انٹرویو دیتے ہوئے ایرانی وزیر خارجہ جاوید ظریف نے اسرائیلی وزیر اعظم کے کانگریس سے خطاب کو مسترد کرتے ہوئے کہا کہ نیتن یاہو تاریخ کا ایک بار پھر مطالعہ کریں، ان کو معلوم ہوجائے گا کہ ایرانی بادشاہوں نے 3 بار یہودیوں کو بچایا تھا۔ ایرانی وزیر خارجہ نے اسرائیلی وزیر اعظم کے الزامات کو قابل افسوس قرار دیا اور کہا کہ وہ اس قوم پر الزامات عائد کرر ہے ہیں جس نے 3 بار یہودیوں کو بچایا۔ جاوید ظریف نے یاد دہانی کراتے ہوئے کہا کہ ایرانی بادشاہ سائرس اعظم اور دوسری جنگ عظیم کے دوران یہودیوں کو بچایا گیا تھا۔ انھوں نے کہا کہ اس وقت ایران میں مقیم یہودیوں کی تعداد 20ہزار سے زائد ہے اور ان کو پارلیمنٹ میں نمائندگی بھی حاصل ہے۔