ولیم مارٹن کی شاہی سید سے ملاقاتمختلف امور پر تبادلہ خیال

امریکی قونصل جنرل کابم دھماکے ودیگر واقعات میںکارکنان کی ہلاکتوں پراظہار افسوس, فوٹو ای نیوز

---

امریکی قونصل جنرل ولیم مارٹن نے اے این پی سندھ کے صدر سینیٹر شاہی سید سے ان کی رہائش گاہ پر ملاقات کی،اعلامیے کے مطابق ملاقات میں ملک کی سیاسی و معاشی صورت حال پر تبادلہ خیال ہوا، امریکی قونصل جنرل نے کوئٹہ کے قریب کچلاک میں عوامی نیشنل پارٹی کے جلسے میں بم دھماکے پر افسوس کا اظہار کرتے ہوئے دہشت گردی کے خلاف عوامی نیشنل پارٹی کی قربانیوں کو سراہا۔

دریں اثنا ناظم آباد نمبر دو میں ٹارگٹ کلنگ میں شہید ہونے والے اے این پی جہانگیر آباد وارڈ کے صدر فضل کریم کی نماز جنازہ ناظم آباد نمبر دو کے مین روڈ پر ادا کی گئی ،نماز جنازہ میں عوامی نیشنل پارٹی سندھ کے جنرل سیکریٹری بشیر جان ،صوبائی وزیر محنت امیر نواب خان اور مرکزی لیبر سیکریٹری رانا گل آفریدی سمیت پارٹی رہنمائوں ،کارکنان ، اہل علاقہ اور عوام کی بڑی تعداد نے شرکت کی ۔

شہید فضل کریم کو آہوں و سسکیوں میں مواچھ گوٹھ قبرستان میں سپرد خاک کیا گیا،اعلامیے کے مطابق پختون اسٹوڈنٹس فیڈریشن سندھ کے صدر رضا خان جدون نے عوامی نیشنل پارٹی کے جلسے کے قریب ہونے والے بم د ھماکے کی شدید مذمت کی ہے۔