لاہور میں ٹریفک حادثے کے نتیجے میں 3 بچیوں سمیت 4 افراد جاں بحق

حادثے میں زخمی ہونے والے ایک اور شخص کو تشویشناک حالت میں اسپتال منتقل کردیا گیا، فوٹو؛فائل

---

لاہور: رائے ونڈ کے قریب تیز رفتار ٹرالر نے موٹر سائیکل کو کچل دیا جس کے نتیجے میں 3 بچیوں سمیت 4 افراد جاں بحق ہوگئے۔

ایکسپریس نیوز کے مطابق لاہور میں رائے ونڈ کے قریب سندر کے علاقے میں تیز رفتار ٹرالر نے موٹر سائیکل کو ٹکر ماردی جس کے نتیجے میں 3 بچیوں سمیت 4 افراد جاں بحق ہوگئے جب کہ حادثے میں زخمی ہونے والے ایک اور شخص کو تشویشناک حالت میں اسپتال منتقل کردیا گیا ہے، عینی شاہدین کے مطابق حادثہ تیز رفتاری کے باعث پیش آیا جس میں ٹرک نے بے قابو ہوکر موٹرسائیکل کو ٹکر ماری جب کہ حادثے کےبعد ٹرک ڈرائیور موقع سے فرار ہوگیا۔