سائبر خطرات سے نمٹنے کیلیے امریکی سی آئی اے میں تبدیلیوں کا فیصلہ

ایک نیا محکمہ بھی قائم کیا جا رہا ہے جو سائبر آپریشنز کی نگرانی کرے گا، سربراہ سی آئی اے

این این آئی March 08, 2015

ایک نیا محکمہ بھی قائم کیا جا رہا ہے جو سائبر آپریشنز کی نگرانی کرے گا، سربراہ سی آئی اے فوٹو: فائل

سائبر خطرات سے نمٹنے کیلیے امریکی سی آئی اے میں تبدیلیاں لانے کا فیصلہ کیا گیا ہے۔

اس بات کا اعلان سی آئی اے کے ڈائریکٹر جان برینن نے کیا، انھوں نے کہا کہ تفتیشی محکمے میں بڑے پیمانے پر انتظامی تبدیلیاں لائی جا رہی ہیں۔ اس کے علاوہ ایک نیا محکمہ بھی قائم کیا جا رہا ہے جو سائبر آپریشنز کی نگرانی کرے گا، محکمے میں تبدیلیوں کا مقصد ڈیجیٹل ٹیکنالوجی کا استعمال بہتر بناتے ہوئے سائبر خطرات کا مقابلہ کرنا، ٹریننگ کے عمل کو بہتر بنانا اور ایجنسی کے مختلف محکموں کے درمیان معلومات کے تبادلے کو موثر بنانا ہے، ڈائریکٹر جان برینن کے مطابق سی آئی اے کے 10 نئے مشن سینٹر بھی قائم کیے جائیں گے، جہاں کسی مخصوص خطے یا خطرے سے نمٹنے کے لیے ماہرین کی ٹیمیں ہوں گی۔