جب بھی کوئی اچھا کردارملا اسے قبول کرلیاساجد حسن

کسی بھی شعبہ میں کامیابی کے لیے ایک اچھی سوچ کی ضرورت ہوتی ہے،ساجد حسن فوٹو:فائل

---

پاکستان میں فلم انڈسٹری کی بحالی سے شوبزانڈسٹری میں ایک نئے دور کا آغاز ہوا ہے۔

بہت اچھی اور معیاری فلمیں بن رہی ہیں لیکن ابھی یہ ابتداء ہے، مجھے امید ہے کہ آنے والے دنوں میں بہتری آئے گی،کسی بھی شعبہ میں کامیابی کے لیے ایک اچھی سوچ کی ضرورت ہوتی ہے پاکستان میں بے پناہ ٹیلنٹ ہے جو بہترین کام کرنے کی صلاحیت رکھتا ہے۔

میری فلم ''جلیبی'' اس ماہ نمائش کے لیے پیش کی جارہی ہے جس میں میرا کردار بہت اچھا ہے لیکن اب دیکھنا یہ ہے فلم دیکھنے والے اسے کس حد تک پسند کرتے ہیں،مزید فلموں میں کام کرنے کی پیشکش ہوئی ہے لیکن میں اپنی اس فلم کی نمائش کا انتظار کررہا ہوں جسکے بعد مزید فلموں میں کام کرنے کا فیصلہ کروں گا۔