دھون کی عمدہ فارم پر دھونی خوشی سے سرشار

بھارت کے کپتان مہندرا سنگھ دھونی اوپنر شیکھر دھون کی عمدہ فارم پر خوشی سے سرشار ہیں۔


شیکھر دھون نے آئرلینڈ کے خلاف سنچری اسکور کی جو رواں میگا ایونٹ میں ان کی دوسری تھری فیگر اننگز ہے، اس سے قبل دھون نے جنوبی افریقہ کیخلاف 137 رنز اسکور کیے تھے۔ ورلڈ کپ سے قبل وہ خراب فارم کا شکار اور ٹرائنگولر سیریز میں کارکردگی انتہائی مایوس کن رہی تھی۔

دھونی نے کہاکہ ہمیں ہمیشہ ہی اس بات پر یقین رہا کہ وہ کم بیک کرسکتے ہیں، ہمارا کام کھلاڑی کی حوصلہ افزائی کرنا ہوتا ہے، آخری قدم اسے خود اٹھانا پڑتا ہے، مجھے شیکھر دھون کی عمدہ بیٹنگ پر کافی خوشی ہوئی۔