یو اے ای کوچ نے زیادہ میچز کیلیے ٹیم کے دورہ پاکستان کا عندیہ دے دیا

یو اے ای پاکستان سے چند میچز کھیلنے کی درخواست کرنے کیلیے اچھی پوزیشن میں ہے، عاقب جاوید۔ فوٹو: فائل

---

متحدہ عرب امارات کے کوچ عاقب جاوید نے زیادہ میچز کیلیے اپنی ٹیم کے دورہ پاکستان کا بھی عندیہ دے دیا۔

عاقب جاوید کا کہنا ہے کہ ہمیں بھی زیادہ میچز کھیلنے کو ملنے چاہیں، ہم نے آئی سی سی سے یہ مطالبہ کیا توانھوں نے ہمیں اپنے تعلقات استعمال کرنے کا مشورہ دیا، میں سمجھتا ہوں کہ یو اے ای پاکستان سے چند میچز کھیلنے کی درخواست کرنے کیلیے اچھی پوزیشن میں ہے، ہماری ٹیم وہاں پر مختلف ٹیموں سے کھیل سکتی ہے۔

عاقب نے کونسل کو بھی مشورہ دیا کہ وہ ہر ایسوسی ایٹ ٹیم کو ایک فل ممبر کے ساتھ منسلک کردے تاکہ وہ اپنی بہتری کیلیے اسی سے رابطہ کرے۔