پشاورمیں سیکیورٹی چیک پوسٹ کےقریب فائرنگ جوابی کارروائی میں حملہ آور ہلاک

زخمیوں میں سے ایک کی حالت تشویش ناک بتائی جا رہی ہے۔ فوٹو: فائل

---

شمع چوک کے قریب سیکیورٹی چیک پوسٹ کےقریب فائرنگ سےایک شخص جاں بحق جب کہ جوابی کارروائی میں ایک حملہ آور بھی ہلاک ہوگیا۔

ایس پی کینٹ پشاور محمدعمر نے میڈیا سے بات کرتے ہوئے کہا کہ شمع چوک کے قریب حملہ آوروں نے سیکیورٹی فورسز کی چیک پوسٹ کو نشانہ بنانے کی کوشش کی تاہم مصروف شاہراہ ہونے کی وجہ سے مسافر وین فائرنگ کی زد میں آگئی، جس کے نتیجے میں ایک شخص جاں بحق جب کہ 6 مسافر زخمی ہو گئے۔ سیکیورٹی اہلکاروں کی جوابی فائرنگ سے حملہ آور بھی ہلاک ہوگیا۔

فائرنگ کے نتیجے میں زخمی ہونے والوں کو فوری طور پر لیڈی ریڈنگ اسپتال منتقل کردیا گیا جہاں انہیں طبی امداد فراہم کی جارہی ہے تاہم زخمیوں میں سے ایک کی حالت تشویش ناک بتائی جا رہی ہے۔