ڈیرہ بگٹی میں ایف سی کی کارروائی کے دوران 6 دہشت گرد ہلاک

حملہ آور گیس پائپ لائنوں، بجلی کے ٹاورز اور فورسز پر حملوں کی متعدد وارداتوں میں ملوث تھے، ایف سی ترجمان فوٹو: فائل

---

ڈیرہ بگٹی میں ایف سی کی کارروائی کے دوران 6 دہشت گرد ہلاک ہوگئے۔

ترجمان ایف سی کے مطابق کارروائی ڈیرہ بگٹی کے علاقے دریجن نالہ اور رستم دربار میں کی گئی جہاں دہشت گردوں نے سرچ آپریشن کے دوران ایف سی کے قافلے پر حملہ کردیا تاہم اہلکاروں نے دہشت گردوں کے حملے کا بھرپور جواب دیا اور جوابی کارروائی کرکے 6 دہشت گردوں کو ہلاک کردیا۔

ترجمان کا کہنا تھا کہ حملہ آور گیس پائپ لائنوں، بجلی کے ٹاورز اور فورسز پر حملوں کی متعدد وارداتوں میں ملوث تھے۔