نائن زیرو نوگو ایریا نہیں اس بارے میں ڈی جی رینجرز کا بیان جھوٹ پر مبنی ہے الطاف حسین

نائن زیرو کو نوگو ایریا بنایا ہی نہیں جاسکتا کیونکہ نائن زیرو کے اطراف ہزاروں مکانات ہیں اور ہر گھر میں الگ خاندان رہتا ہے، الطاف حسین فوٹو: فائل

---

متحدہ قومی موومنٹ کے قائد الطاف حسین نے کہا ہے کہ نائن زیرو کوئی نوگو ایریا نہیں اور اس حوالے سے ڈی جی رینجرز میجر جنرل بلال اکبر کا بیان جھوٹ پر مبنی ہے۔

لندن سے جاری بیان میں الطاف حسین نے کہا کہ نائن زیرو کو نوگو ایریا بنایا ہی نہیں جاسکتا کیونکہ نائن زیرو کے اطراف 120 گز کے ہزاروں مکانات ہیں اور ہر گھر میں الگ خاندان رہتا ہے لہٰذا ایسے علاقے کو مکمل طور پر نوگو ایریا نہیں بنایا جاسکتا۔ انہوں نے کہا کہ کور کمانڈر کراچی کا یہ بیان بھی حقائق پر مبنی نہیں کہ کراچی میں آپریشن غیر جانبدارانہ اور ایماندارانہ طریقے سے جاری ہے۔

الطاف حسین نے کور کمانڈر سے سوال کیا کہ اگر ان کی 68 سالہ بیوہ بہن جس کا سیاست سے کوئی تعلق نہ ہو اور اگر ان کے گھر پر درجنوں پولیس والے چھاپے مارتے تو ان کے دل پر کیا گزرتی۔