کراچی میں پولیس کی کارروائی میں مبینہ ٹارگٹ کلر گرفتار

ملزم کےقبضے سے اسلحہ اور دستی بم سمیت دیگر سامان برآمد کیا گیا ہے، پولیس، فوٹو : فائل

---

پولیس نے کورنگی انڈسٹریل ایریا میں کارروائی کے دوران مبینہ ٹارگٹ کلر کو گرفتار کرنے کا دعویٰ کیا ہے۔

ایکسپریس نیوز کے مطابق پولیس نے کراچی کے علاقے کورنگی انڈسٹریل ایریا میں چھاپہ مارا جہاں سے مبینہ ٹارگٹ کلر کو گرفتار کرلیا گیا۔ پولیس کے مطابق گرفتار ٹارگٹ کلر کی شناخت عمران عرف آفریدی کے نام سے ہوئی ہے جو قتل اور ڈکیتی کی متعدد وارداتوں میں مطلوب تھا جب کہ ملزم نے کئی وارداتوں میں ملوث ہونے کا بھی اعتراف کیا ہے۔

پولیس کا کہنا ہے کہ ملزم کےقبضے سے اسلحہ اور دستی بم سمیت دیگر سامان برآمد کیا گیا ہے جب کہ ملزم کے خلاف کورنگی انڈسٹریل ایریا تھانے میں مقدمہ درج کرلیا گیا ہے۔