ارجن اورسوناکشی نے بدترین ادکاری پر’’کیلا ایوارڈ‘‘ اپنے نام کرلیا

ارجن کپور نے کیلا ایوارڈ کا فلم ’’غنڈے اور ایوری تھنگ ایلس‘‘ میں اپنی بدترین اداکاری کی بدولت حاصل کیا فوٹو:فائل

---

بالی ووڈ کی دبنگ گرل سوناکشی سنہا اورارجن کپور نے 2014 میں اپنی بدترین اداکاری کی بدولت ''گولڈن کیلا'' ایوارڈز اپنے نام کرلیا۔

آپ نے بہترین اداکاری یا بہترین کارکردگی کے ایوارڈز کا تو سنا ہوگا لیکن حیرت انگیز طور پر بالی ووڈ میں ''بد ترین'' کارکردگی پر ایوارڈ بھی دیئے جاتے ہیں اوراس سلسلے میں نئی دلی میں "گولڈن کیلا ایوارڈز" کی رنگا رنگ تقریب منعقد ہوئی جس میں سوناکشی نے یہ ایوارڈ فلم ''ایکشن جیکسن، ہالی ڈے اور لینگا'' میں اپنی بدترین اداکاری کی بدولت حاصل کیا جب کہ ارجن کپور کو فلم ''غنڈے اور ایوری تھنگ ایلس'' میں ان کی بدترین اداکاری کی وجہ سے کیلا ایوارڈ سے نوازا گیا۔

گولڈن کیلا ایوارڈ میں بدترین فلم کا ایوارڈ"ہم شکل "کے نام رہا جب کہ بدترین فلم ڈائریکٹرکا ایوارڈ پربھو دیوا نے حاصل کیا۔