ریمپ پر عمدہ واک بچوں کا ٹیلنٹ دیکھ کر خوشی ہوئی کنول

LODHRAN:
بچوں کا ٹیلنٹ دیکھ کر خوشی ہوئی انھیں ہر میدان میں صلاحیتوں کے اظہار کے مواقع دینے چاہیئں۔


ان خیالات کا اظہار اداکارہ اور رکن صوبائی اسمبلی کنول نعمان نے گزشتہ روز جوہر ٹاؤن میں بچوں کی نئی ملبوسات متعارف کروانے کے حوالے سے ہونے والی ریمپ واک کے موقع پر کیا۔ ان کا کہنا تھا کہ یہ ہماری خوش قسمتی ہے کہ اسپورٹس ، شوبز سمیت ہر شعبے میں ہمارے پاس باصلاحیت ٹیلنٹ کی ایک کھیپ موجود ہے جنھیں صرف پلیٹ فارم مہیا کرنے کی ضرورت ہے۔

آج جس طرح سے بچے پراعتمادانداز سے ریمپ پر چل رہے تھے ان کی اس خوداعتمادی اورذہانت نے مجھ سمیت سبھی شرکاء کو اپنا گرویدہ بنا دیا ہے۔ کنول نے کہا کہ فیشن انڈسٹری میں بچوں کے لیے بھی نت نئے رنگوں کے ساتھ ملبوسات تیار کرنے کا رحجان فروغ پار ہا ہے خوش آئند ہے ۔اس تقریب میں ماڈل اریشمہ، علی عباس ، خرم باری سمیت دیگر معروف شخصیات بھی موجود تھیںجنہوں نے اس پروگرام کے انعقاد کو سراہا۔