انگلش بولنگ کوچ ایشز سیریز سے قبل عہدہ چھوڑنے کو تیار ہو گئے

انگلش بولنگ کوچ ڈیوڈ سیکر نے عہدے چھوڑنے کا فیصلہ کرلیا وہ اب میلبورن رینیگیڈز میں ہیڈ کوچ کی ذمہ داریاں سنبھالیں گے۔


انگلینڈ اینڈ ویلز کرکٹ بورڈ سے ڈیوڈ سیکر کا معاہدہ رواں برس ستمبر تک کا ہے۔ غالب امکان ہے کہ وہ رواں سمر میں شیڈول ایشز سیریز سے قبل انگلش ٹیم سے الگ ہوجائیں گے۔ انھوں نے 5 برس تک اس پوزیشن پرکام کیا، ان کی موجودگی میں انگلش ٹیم نے اگرچہ 2010 کی ورلڈ ٹی 20 اور 24 برسوں میں پہلی بار ایشز سیریز تو ضرور جیتی لیکن وہ نئے انگلش فاسٹ بولرز کو سامنے لانے میں ناکام رہے، اس کی وجہ سے تنقید کا شکار تھے۔