ٹیپ سے باندھی گئی کلائیاں کھولنے کا آسان طریقہ

بازؤں کو سر سے اوپر اٹھاکر زوردار جھٹکے کے ساتھ نیچے لائیں تو ٹیپ کاغذ کی طرح پھٹ کر آپ کے بازؤں سے علیحدہ ہوجائے گی۔ فوٹو : فائل

---

فلموں اور ڈراموں میں اکثر دیکھا ہوگا کہ اغوا کیے جانے والے لوگوں کی کلائیوں پر چوڑی ٹیپ لپیٹ کر انھیں مفلوج کردیا جاتا ہے۔

اگرچہ فلموں اور ڈراموں میں اس طریقے سے مفلوج کیے گئے لوگ بالکل بے بس نظر آتے ہیں لیکن اگر آپ کو ایک مخصوص تکنیک معلوم ہو تو آپ کبھی بھی ان کی طرح بے بسی کا شکار نہیں ہوں گے بلکہ ایک جھٹکے سے آزادی حاصل کرنے میں کامیاب ہوجائیں گے۔

اگر خدانخواستہ آپ کی کلائیوں پر تہہ در تہہ ٹیپ لپیٹ کر آپ کو بے بس کردیا جائے تو دونوں بازؤں کو سر سے اوپر اٹھائیں اور پھر زوردار جھٹکے کے ساتھ نیچے لائیں، مضبوط ٹیپ کمزور کاغذ کی طرح پھٹ کر آپ کے بازؤں سے علیحدہ ہوجائے گی۔ آپ اس کا عملی مظاہرہ حال ہی میں سماجی رابطے پر اپ لوڈ کی جانیوالی ایک وڈیو میں بھی دیکھ سکتے ہیں۔