آسٹریلیا نے پاکستانی ٹیم کو زیر کرنے کے لیے اسٹیووا سے مدد مانگ لی

اسٹیوا نے ہمیں قیمتی مشورے دیے جوکوارٹر فائنل میں ہمارے کام آئیں گے، ایرون فنچ۔ فوٹو : فائل

---

ISLAMABAD: آسٹریلیا نے کوارٹر فائنل میں پاکستان ٹیم کو زیر کرنے کیلیے سابق کپتان اسٹیووا سے مدد مانگ لی۔

سابق آسٹریلوی قائد نے گذشتہ روز کھلاڑیوں کو اپنے مشوروں سے نوازا۔ اوپنر آرون فنچ کہتے ہیں کہ ڈنر پر اسٹیوواکے ساتھ بیٹھنا کافی اہم ثابت ہوا، وہ ایک فاتح سائیڈ کے قائد رہے، پلیئرز نے ان سے کچھ سوالات بھی کیے، انھوں نے ہمیں قیمتی مشورے دیے جوکوارٹر فائنل میں ہمارے کام آئیں گے۔