ایم کیو ایم کے ندیم نصرت کی والدہ کا سوئم

سوئم میں مرحومہ کی مغفرت اور درجات کی بلندی اور سوگواران کیلیے صبر جمیل کی دعائیں بھی کی گئیں۔ فوٹو: فائل

---

متحدہ قومی موومنٹ کے سینئرکارکن ندیم نصر ت کی والدہ انور جہاں کے سوئم کا اجتماع اتوار کو ان کی صاحبزادی کی رہائش گاہ واقع گلشن اقبالA-88 بلاک 13/Bمیں ہوا۔

جس میں مرحومہ کی روح کے ایصال ثواب کیلیے قرآن خوانی و فاتحہ خوانی کی گئی، اجتماع میں رابطہ کمیٹی کے اراکین شعیب بخاری، سلیم شہزاد، کنور نوید جمیل، کیف الوریٰ، حق پر ست اراکین اسمبلی اقبال علی خان، نشاط ضیا قادری، مزمل قریشی، سیکٹر و یونٹ کمیٹیوں کے ذمے داران و کارکنان سمیت مرحومہ کے عزیز و اقارب نے بڑی تعداد میں شرکت کی، بعدازاں مرحومہ کی مغفرت اور درجات کی بلندی اور سوگواران کیلیے صبر جمیل کی دعائیں بھی کی گئیں۔