قومی کرکٹ ٹیم کے کپتان مصباح الحق نے کہا ہے کہ ورلڈ کپ میں ٹیم کے آگے نہ جانے کا افسوس ہے تاہم میگا ایونٹ میں ٹیم کی مجموعی کارکردگی اطمینان بخش اور اچھی رہی۔

آسٹریلیا کے خلاف کوارٹر فائنل مقابلے میں شکست کے بعد مصباح الحق نے کہا کہ آسٹریلیا نے آج کے میچ میں بہت اچھی کارکردگی دکھائی، وہاب ریاض نے شاندار بولنگ کا مظاہرہ کیا تاہم بلے بازوں کی کارکردگی اچھی نہ رہی اور انہوں نے غلط شاٹس کھیلے۔ انہوں نے کہا کہ آج کے میچ میں ہم سے کیچز بھی ڈراپ ہوئے جو اگر پکڑ لئے جاتے تو نتیجہ مختلف ہوتا۔