پاکستان کیخلاف بریڈ ہیڈن کی بے ایمانی نہ چل سکی

پاکستان کیخلاف کوارٹر فائنل میں آسٹریلوی وکٹ کیپر بریڈ ہیڈن کی بے ایمانی نہ چل سکی۔


عمر اکمل گلین میکسویل کی گیند پر اسٹروک کھیلنے میں ناکام رہے تو ہیڈن نے گلوز سے ہی بیلز گرا کر آؤٹ کیلیے اپیل کر دی، دیگر کھلاڑی بھی ہم آواز ہوگئے، تاہم امپائر نے فیصلہ بیٹسمین کے حق میں دے کر ان کی خوش فہمی دور کر دی۔

واضح رہے کہ بریڈ ہیڈن اس نوعیت کا ایک کامیاب دھوکا پہلے بھی کر چکے ہیں، چند سال قبل انہوں نے کیوی بیٹسمین نیل بروم کی بیلز بھی ہاتھ سے اڑا کر میدان بدر کر دیا تھا، ان کی بے ایمانی امپائر کی نظر میں نہ آسکی تھی۔