بیگم نصرت بھٹوکا 86واں یوم ولادت آج ملک بھر میں منایا جائے گا

بیگم نصرت بھٹوہمت وجرات والی ایک مثالی شخصیت تھیں ،سابق صدر آصف زرداری فوٹو: فائل

---

پاکستان پیپلزپارٹی کے بانی اورسابق وزیراعظم ذوالفقارعلی بھٹوکی اہلیہ بیگم نصرت بھٹوکا 86واں یوم ولادت آج(پیر کو) منایا جائے گا، اس حوالے سے ملک بھرمیں تقریبات ہوں گی۔

اس موقع پر پیپلزپارٹی کے شریک چیئرمین اور سابق صدر آصف زرداری نے کہاہے کہ بیگم نصرت بھٹوہمت وجرات والی ایک مثالی شخصیت تھیں جنھوں نے متعدد چیلنجوں اور سانحات کا سامنا کیا۔ بیگم نصرت بھٹونے جوظلم اورامتیازی سلوک برداشت کیا اور جمہوریت کی راہ میں جوقربانیاں دیں وہ جمہوریت کے لیے ایک چمکتا اعزازہے۔