بھارت کابرہموس سپرسونک کروزمیزائل کے کامیاب تجربہ کادعویٰ

برہموس میزائل کا تجربہ ریاست گوا کے ساحل پر بحریہ کے جنگی جہاز سے کیا گیا، فوٹو : ایکسپریس نیوز، فائل

---

بھارتی بحریہ نے اتوارکو 290کلو میٹر تک مار کرنے والے برہموس نامی سپر سونک کروز میزائل کے کامیاب تجربہ کا دعویٰ کیاہے ۔

بھارتی میڈیا کے مطابق روسی اور بھارتی ماہرین کا مشترکہ طور پر تیار کردہ برہموس میزائل کا تجربہ ریاست گوا کے ساحل پر بحریہ کے جنگی جہاز سے کیا گیا۔بھارتی بحریہ کے ذرائع کے مطابق یہ کروز میزائل سیدھا جانے کے بجائے فضا میں مختلف موڑ لے کرہدف کو نشانہ بناتا ہے۔اس کا مقصد یہ ہے کہ دشمن کو یہ پتہ نا چل سکے کہ میزائل کس سمت سے آیا ہے، میڈیا رپورٹ کے مطابق میزائل گوا کے ساحل پر روس میں بنے جہاز آئی این ایس تیج سے لانچ کیا گیا۔ روس بھارت کے لیے اسی طرح کے دو مزید جنگی جہاز بنا رہا ہے۔