ڈی جی رینجرز کے نام سے جعلی فیس بک اور ٹویٹر اکاؤنٹ استعمال کرنے کا انکشاف

شہریوں کو مطلع کیا جاتا ہے کہ ان جعلی اکاؤنٹ کے ذریعے دیے گیے پیغام سے ڈی جی رینجرز کا کوئی تعلق نہیں۔ اعلامیہ۔ فوٹو : فائل

---

KARACHI: ڈی جی رینجرز کے نام سے جعلی فیس بک اور ٹویٹر اکاؤنٹ استعمال کرنے کا انکشاف ہوا ہے۔

ترجمان سندھ رینجرز کا کہنا ہے کہ جعلی فیس بک اور ٹویٹر اکاؤنٹ بنانے والے نوسر بازوں کے خلاف جلد کارروائی کی جائے گی۔ ترجمان سندھ رینجرز کی جانب سے اعلامیے میں بتایا گیا کہ کچھ نامعلوم افراد ڈی جی رینجرز میجر جنرل بلال اکبر کے نام سے جعلی فیس بک اور ٹویٹر اکاؤنٹ چلا رہے ہیں۔ انھوں نے کہا کہ یہ بات واضح رہے کہ ڈی جی رینجرز میجر جنرل بلال اکبر فیس بک اور ٹویٹر اکاؤنٹ استعمال نہیں کر رہے، شہریوں کو مطلع کیا جاتا ہے کہ ان جعلی اکاؤنٹ کے ذریعے دیے گیے پیغام سے ڈی جی رینجرز کا کوئی تعلق نہیں۔