سندھ اور پنجاب کی مختلف جیلوں میں مزید 6 مجرموں کو پھانسی دے دی گئی
میانوالی اور ساہیوال میں سزائے موت کے 2 مجرموں کی پھانسی لواحقین سے صلح کے بعد روک دی گئی
سزائے موت پر عمل درآمد شروع ہونے کے بعد سے اب تک 50 سے زائد مجرموں کو پھانسی دی جا چکی ہے۔ فوٹو: فائل
LONDON:
سندھ اور پنجاب کی مختلف جیلوں میں آج بھی قتل کے 6 مجرموں کو سزائے موت دے دی گئی جب کہ 2 مجرموں کی پھانسی عین وقت پر رک گئی۔
ایکسپریس نیوزکے مطابق سکھر کی سنٹرل جیل 1 میں سزائے موت کے 2 قیدیوں عبدالرزاق چوہان اور جلیل جوریجو کو علی الصبح تختہ دار پر لٹکایا گیا۔ اس موقع پر سیکیورٹی کے انتہائی سخت انتظامات کئے تھے، جیل کے اندر اور اطراف رینجرز، پولیس اور ایف سی کے اہلکاروں کو تعینات کیا گیا تھا۔ عبدالرزاق چوہان نے 2001 میں اقرار میرانی نامی شخص کو قتل کیا تھا جب کہ جلیل موریجو اور مقتول کے ورثا کے درمیان آخری وقت تک صلح کی کوششیں ہوتی رہیں لیکن ناکامی پر اسے بھی تختہ دار پر لٹکا دیا گیا۔
میانوالی کی سنٹرل جیل میں مجرم محمد خان کو پھانسی دے دی گئی، محمد خان نے 2001 میں محمد نواز نامی شخص کو قتل کیا تھا۔ قتل کے دوسرے مجرم جھم دار کی پھانسی مقتول کے ورثاء سے صلح کے بعد آخری لمحات میں روک دی گئی۔
لاہور کی کوٹ لکھپت جیل میں بھی ایک مجرم محمد ایوب کو تختہ دار پرلٹکا دیا گیا، مجرم کوسیشن کورٹ شیخوپورہ کی جانب سے سزائے موت سنائی گئی تھی۔ بہاولپور کی سنٹرل جیل میں خاتون سے زیادتی کے بعد قتل کے مجرم غلام یاسین کو اس کے منطقی انجام تک پہنچا دیا گیا۔
ساہیوال کی سنٹرل جیل میں قتل کے مجرم محمد شہباز کو پھانسی گھاٹ پر چڑھا دیا گیا، محمد شہباز نے جائیدار کے تنازع پر ایک بچے کو قتل کر دیا تھا جب کہ قتل کے دوسرے مجرم جعفر کالی کی پھانسی پر عمل درآمد مقتول کے لواحقین سے صلح کے بعد روک دیا گیا۔
واضح رہے کہ ملک میں سزائے موت پر عمل درآمد شروع ہونے کے بعد سے اب تک 50 سے زائد مجرموں کو پھانسی دی جا چکی ہے۔
سندھ اور پنجاب کی مختلف جیلوں میں آج بھی قتل کے 6 مجرموں کو سزائے موت دے دی گئی جب کہ 2 مجرموں کی پھانسی عین وقت پر رک گئی۔
ایکسپریس نیوزکے مطابق سکھر کی سنٹرل جیل 1 میں سزائے موت کے 2 قیدیوں عبدالرزاق چوہان اور جلیل جوریجو کو علی الصبح تختہ دار پر لٹکایا گیا۔ اس موقع پر سیکیورٹی کے انتہائی سخت انتظامات کئے تھے، جیل کے اندر اور اطراف رینجرز، پولیس اور ایف سی کے اہلکاروں کو تعینات کیا گیا تھا۔ عبدالرزاق چوہان نے 2001 میں اقرار میرانی نامی شخص کو قتل کیا تھا جب کہ جلیل موریجو اور مقتول کے ورثا کے درمیان آخری وقت تک صلح کی کوششیں ہوتی رہیں لیکن ناکامی پر اسے بھی تختہ دار پر لٹکا دیا گیا۔
میانوالی کی سنٹرل جیل میں مجرم محمد خان کو پھانسی دے دی گئی، محمد خان نے 2001 میں محمد نواز نامی شخص کو قتل کیا تھا۔ قتل کے دوسرے مجرم جھم دار کی پھانسی مقتول کے ورثاء سے صلح کے بعد آخری لمحات میں روک دی گئی۔
لاہور کی کوٹ لکھپت جیل میں بھی ایک مجرم محمد ایوب کو تختہ دار پرلٹکا دیا گیا، مجرم کوسیشن کورٹ شیخوپورہ کی جانب سے سزائے موت سنائی گئی تھی۔ بہاولپور کی سنٹرل جیل میں خاتون سے زیادتی کے بعد قتل کے مجرم غلام یاسین کو اس کے منطقی انجام تک پہنچا دیا گیا۔
ساہیوال کی سنٹرل جیل میں قتل کے مجرم محمد شہباز کو پھانسی گھاٹ پر چڑھا دیا گیا، محمد شہباز نے جائیدار کے تنازع پر ایک بچے کو قتل کر دیا تھا جب کہ قتل کے دوسرے مجرم جعفر کالی کی پھانسی پر عمل درآمد مقتول کے لواحقین سے صلح کے بعد روک دیا گیا۔
واضح رہے کہ ملک میں سزائے موت پر عمل درآمد شروع ہونے کے بعد سے اب تک 50 سے زائد مجرموں کو پھانسی دی جا چکی ہے۔