نئی دہلی میں پاکستانی ہائی کمشنر سے علی گیلانی اور عبدالغنی بٹ کی ملاقاتیں

پاک بھارت تعلقات میں بہتری خطے میں قیام امن کیلیے ضروری ہے، پروفیسرعبدالغنی بٹ۔ فوٹو: فائل

---

کشمیری حریت رہنما سیدعلی گیلانی اورکل جماعتی حریت کانفرنس کے سینئر رہنما پروفیسرعبدالغنی بٹ نے الگ الگ وفد کے ہمراہ نئی دہلی میں پاکستانی ہائی کمشنر عبدالباسط سے ملاقاتیں کیں اورانھیں مقبوضہ کشمیر کی تازہ ترین صورتحال سے آگاہ کیا۔

کشمیر میڈیا سروس کے مطابق ملاقات کے بعد میڈیا کوانٹرویو میں سید علی گیلانی نے کہاکہ انھوں نے عبدالباسط کوبتایا ہے کہ کشمیری مسئلہ کشمیرکاروایتی انداز سے ہٹ کر (آؤٹ آف باکس)حل کبھی تسلیم نہیں کرینگے اورآزادی سے کم کسی بھی چیز پر سمجھوتہ نہیں کیا جائے گا۔ جبکہ پروفیسر عبدالغنی بٹ نے کہا کہ علاقائی اور عالمی سطح پر قیام امن کیلیے پاکستان اور بھارت کے درمیان تعلقات میں بہتری ضروری ہے۔