ماڈل ایان کو جیل میں الرجی ہو گئی

کسٹم کی خصوصی عدالت نے ماڈل ایان علی کی اڈیالہ جیل میں بی کلاس دینے کی درخواست کی سماعت28مارچ تک ملتوی کردی۔ فوٹو : فائل

---

TUNIS: فارن کرنسی اسمگلنگ کیس میں گرفتارماڈل ایان علی کواڈیالہ جیل میں الرجی ہوگئی، جیل اسپتال میںخاتون ڈاکٹر نہ ہونے کے باعث معروف ماڈل کی جیل سے باہرکسی اسپتال میں منتقلی کاامکان ہے جبکہ ایئرپورٹ پرمبینہ سہولتیں فراہم کرنیوالے عناصرکاتعین کرنے کیلیے کسٹمز،سول ایوی ایشن اورایئرپورٹ سیکیورٹی فورس سے مخصوص اوقات کی کلوزسرکٹ وڈیوفوٹیج طلب کرلی گئیں۔

ذرائع کے متعلقہ حکام نے کسٹمزکوتاحال وڈیو فراہم نہیں کی۔ دوسری جانب کسٹمزنے ایان سے 5 پلاٹوں کی فائلیں خریدنے والے محمد ممتاز نامی کاروباری شخصیت جودبئی میں پراپرٹی وغیرہ کاکام کرتاہے کوباقاعدہ سمن جاری کر کے ریکارڈسمیت آج تفتیش کیلیے طلب کرلیا۔ ادھرکسٹم کی خصوصی عدالت نے ماڈل ایان علی کی اڈیالہ جیل میں بی کلاس دینے کی درخواست کی سماعت28مارچ تک ملتوی کردی۔ ملزمہ کے والد محمد حفیظ نے الزام لگایا کہ بیٹی کے کیس کی پیروی کی کوشش کرنے پراسے قتل کی دھمکیاں ملنے لگی ہیں۔