این اے 246 کے ضمنی انتخاب میں شکست کے خوف سے الطاف حسین پریشان ہیں عمران خان

چیئرمین تحریک انصاف عمران خان کا کہنا ہے کہ دنیا نے آج کراچی میں الطاف حسین کا جمہوری طرز دیکھ لیا اور یہ وہی انداز ہے جو جرمنی کی نازی پارٹی کا تھا۔

سماجی رابطے کی ویب سائٹ ٹوئٹر پر اپنی ٹوئٹ میں عمران خان کا کہنا تھا کہ تحریک انصاف کراچی کے شہریوں کو ایم کیو ایم کے خوف سے نجات دلائے گی اور متحدہ قومی موومنٹ کی جانب سے اس قسم کے طرز عمل سے خوفزدہ نہیں ہوں گے۔ انہوں نے کہا کہ این اے 246 کے ضمنی انتخاب میں شکست کے خوف کے باعث الطاف حسین پریشان ہیں جس کی وجہ سے اس قسم کے اقدامات کئے گئے جس کی شدید مذمت کرتے ہیں۔

واضح رہے کہ پی ٹی آئی رہنما عمران اسماعیل کی قیادت میں قافلہ جناح گراؤنڈ عزیزآباد گیا تھا جہاں ایم کیو ایم اور تحریک انصاف کے کارکنان آمنے سامنے آگئے تھے۔

https://www.dailymotion.com/video/x2lb05g_imran-khan_news