این اے 246 کے ضمنی انتخاب میں شکست کے خوف سے الطاف حسین پریشان ہیں عمران خان

تحریک انصاف کراچی کے شہریوں کو ایم کیو ایم کے خوف سے نجات دلائے گی،عمران خان۔ فوٹو:فائل

---

چیئرمین تحریک انصاف عمران خان کا کہنا ہے کہ دنیا نے آج کراچی میں الطاف حسین کا جمہوری طرز دیکھ لیا اور یہ وہی انداز ہے جو جرمنی کی نازی پارٹی کا تھا۔

سماجی رابطے کی ویب سائٹ ٹوئٹر پر اپنی ٹوئٹ میں عمران خان کا کہنا تھا کہ تحریک انصاف کراچی کے شہریوں کو ایم کیو ایم کے خوف سے نجات دلائے گی اور متحدہ قومی موومنٹ کی جانب سے اس قسم کے طرز عمل سے خوفزدہ نہیں ہوں گے۔ انہوں نے کہا کہ این اے 246 کے ضمنی انتخاب میں شکست کے خوف کے باعث الطاف حسین پریشان ہیں جس کی وجہ سے اس قسم کے اقدامات کئے گئے جس کی شدید مذمت کرتے ہیں۔

واضح رہے کہ پی ٹی آئی رہنما عمران اسماعیل کی قیادت میں قافلہ جناح گراؤنڈ عزیزآباد گیا تھا جہاں ایم کیو ایم اور تحریک انصاف کے کارکنان آمنے سامنے آگئے تھے۔

Today we saw democracy Altaf Hussain style in Karachi: No different from the tactics of the Nazi party.

— Imran Khan (@ImranKhanPTI) March 31, 2015

2/2 We will not be cowed down by such scare tactics & we will liberate Karachi's citizens from the terror of MQM, InshaAllah.

— Imran Khan (@ImranKhanPTI) March 31, 2015