قومی اسمبلی میں قائد حزب اختلاف اور پیپلز پارٹی کے سینئر رہنما سید خورشید شاہ نے کہا ہے کہ یمن کے معاملے پر پاکستان کو کسی ایک فریق کا ساتھ دینے کے بجائے غیر جانبدار رہنا چاہئے۔

سکھر میں میڈیا سے بات کرتے ہوئے خورشید شاہ نے کہا کہ مسلم ممالک کو اتحاد کی ضرورت ہے، تمام مسلم ممالک کو یمن کی سرحد کا احترام کرنا چاہئے اور اس معاملے پر پاکستان کو کسی ایک فریق کا ساتھ دینے کے بجائے غیر جانبدار رہنا چاہئے۔ انہوں نے کہا کہ بلاول بھٹو زرداری لندن میں اپنا جلسہ کر رہے ہیں اور وہ ذوالفقار علی بھٹو کی برسی کے موقع پر جلسے سے ٹیلی فونک خطاب کریں گے۔