چینی صدر کے دورہ پاکستان کے موقع پر بجلی کی خریداری سمیت 15ارب ڈالر کے معاہدے ہونگے

پاکستان اورچین کے درمیان توانائی کے منصوبوں پرمعاملات طے پاگئے، چینی صدر کے دورہ پاکستان کے موقع پر15ارب ڈالر کے منصوبوں کے معاہدوں پردستخط ہوں گے۔


وزارت پانی وبجلی کے مطابق پاک چین اکنامک کوریڈورمشترکہ ورکنگ گروپ برائے توانائی کا اجلاس وفاقی سیکریٹری پانی وبجلی یونس ڈھاگا اور وائس ایڈمنسٹریٹر نیشنل انرجی ایڈمنسٹریشن چائنہ ژانگ یوکنگ کی صدارت میں ہوا جس میں بتایا گیا کہ چینی صدر 9 اپریل کو2 روزہ دورے پر پاکستان آرہے ہیں، چینی صدرکے دورہ پاکستان کے دوران 4تا 6 ہزارمیگاواٹ بجلی کی خریداری کے معاہدے پر بھی دستخط ہوں گے۔