بالی ووڈ کنگ شاہ رخ خان نے ایک اور منفرد اعزاز اپنے نام کرلیا

شاہ رخ خان بھی مادام تساؤ عجائب گھر میں فلم کی عکس بندی کی اجازت پر خوشی سے نہال ہیں، فوٹو:فائل

---

بالی ووڈ کنگ شاہ رخ خان نے کئی اعزازات کے ساتھ ایک منفرد اعزاز بھی اپنے نام کرلیا ہے۔

لندن کے مادام تساؤ عجائب گھر میں بالی ووڈ نگری کے کئی ستاروں کے مومی مجسمے رکھے گئے ہیں لیکن اب وہاں بالی ووڈ کنگ شاہ رخ خان نے اپنی نئی آنے والی فلم ''فین'' کی شوٹنگ کی جس کےبعد انہیں اس عجائب گھر میں پہلی بار عکس بندی کرنے کا اعزاز حاصل ہوچکا ہے۔

دوسری جانب بالی ووڈ اسٹار شاہ رخ خان بھی مادام تساؤ عجائب گھر میں فلم کی عکس بندی کی اجازت پر خوشی سے نہال ہیں جس میں سماجی رابطے کی ویب سائٹ پر ان کا کہنا تھا کہ فلم ''فین'' کی شوٹنگ کی اجازت دینے پر مادام تساؤعجائب گھرانتظامیہ کے شکر گزار ہیں اوریہ پہلی فلم ہے جس کی عکس بندی یہاں کی جارہی ہے جو کہ خوشگوار لمحات ہیں۔