برطانوی وزیراعظم ڈیوڈ کیمرون امریکی اداکارہ کم کارڈیشین کے رشتہ دار نکلے

400 سال قبل پیدا ہونیوالےولیم اسپنسرکی 2 بیٹیوں میں سے ایک میری پڑدادی تھی اوردوسری کارڈیشن کی تھی،ڈیوڈکیمرون کاانکشاف۔ فوٹو:فائل

---

ST GALLEN: برطانوی وزیراعظم ڈیوڈ کیمرون نے انکشاف کیا ہے کہ وہ امریکی ٹی وی اسٹار اور اداکارہ کیم کارڈیشین کے خالہ زاد ہیں۔

برطانوی جریدے کو انٹرویو دیتے ہوئے ڈیوڈ کیمرون کاکہنا تھا کہ میں کارڈیشن کا 13 واں خالہ زاد ہوں اور400 سال قبل انگلینڈ میں 1555 میں پیدا ہونے والے السیرولیم اسپنسر کی 2 بیٹیوں میں سے ایک میری پڑدادی اور دوسری کارڈیشن کی پڑدادی تھیں اور یوں ہم دونوں خالہ زاد ہیں۔ انہوں نے بتایا کہ کیم کارڈیشن کی پڑدادی نے 1632ء میں 35 سال کی عمر میں وفات پائی۔ چار صدیوں بعد انہی کے خاندان میں میری فورمونٹ پیدا ہوئیں جن کے بطن سے ڈیوڈ کیمرون جبکہ اسی سلسلہ نسب سے کیم کارڈیشین کی والدہ کریزجینرنے سلسلہ نسب آگے بڑھایا۔ ان کے والد آرمینی نژاد امریکی تھے جب کہ کارڈیشن کی والدہ ایک معروف مصنفہ اور ریڈیو پروگراموں کی پیش کار تھیں۔

واضح رہے کہ امریکی اداکاری کم کارڈیشن کی وجہ شہرت امریکی ٹی وی اینکر اور اداکارہ سے زیادہ بار بار شادیاں کرنے اور جلدی طلاق لینے کے حوالے سے جانی جاتی ہیں۔