ایان علی نے جیل میں تلاوت نماز اور تسبیح شروع کر دی

KARACHI:
کرنسی اسمگلنگ کیس میں گرفتار معروف ماڈل ایان علی نے اڈیالہ جیل میں پنجگانہ نمازکی ادائیگی شروع کردی۔


صبح شام قرآن کی تلاوت کابھی آغاز کردیا اورتسبیح بھی پڑھتی ہیں۔ انھوں نے پینٹ اورشرٹ کااستعمال کم کرکے شلوارقمیص زیب تن کرکے چادربھی اوڑھ لی۔ خوراک بھی سادہ کھاتی ہیں تاہم انھیں جوس اوربرگر دیے جارہے ہیں۔

ان کے وکیل سرداراسحاق خان نے ملزمہ کی ضمانت کی درخواست سپریم کورٹ میں دائرکرنے کی تیاریاں شروع کردیں۔ ملزمہ کاوکالت نامہ بھی حاصل کرلیا گیا۔ سپریم کورٹ میں یہ اپیل ہفتے کودائر کی جائے گی۔ گزشتہ 3روزسے کسی تفتیشی ٹیم نے ان سے جیل میں ملاقات نہیں کی۔