لاہور کے انارکلی بازار میں پلازہ کی چھت گرنے سے 6 افراد زخمی

کمرشل پلازہ میں کپڑوں اور کھلونوں کی دکانیں تھیں جہاں تیسرے فلور کی چھت گر گئی۔ فوٹو: محمد عمیر، ایکسپریس

---

انارکلی بازار میں کمرشل پلازہ کی چھت گرنے کے نتیجے میں 6 افراد زخمی ہوگئے۔

ایکسپریس نیوز کے مطابق لاہورکے انارکلی بازارمیں کمرشل پلازہ کے تیسرے فلور کی چھت اچانک گرگئی جہاں کپڑوں کے علاوہ کھلونوں کی دکانیں تھیں۔ اطلاع ملنے پر ریسکیو ٹیموں نے موقع پر پہنچ کر امدادی سرگرمیوں کے دوران 6 زخمیوں کو نکال کر اسپتال منتقل کردیا۔ ریسکیو حکام کے مطابق ملبے تلے کسی بھی شخص کی موجودگی کا امکان نہیں جس کے باعث امدادی سرگرمیاں روک دی گئیں۔