گھٹا جیسی زلفیں

بالوں کا شخصیت میں اہم کردار ہوتا ہے۔ بعض ماہرین اس کو ہمارے سنگھار کا پچاس فی صد سے بھی زیادہ حصہ دیتے ہیں، یعنی محض بال بنانے کا ڈھنگ یہ طے کرتا ہے کہ ہم کیسے دکھائی دے رہے ہیں۔



موسم کی طرح بدلتے فیشن کے ساتھ صنف نازک کی زلفیں بھی مختلف انداز اختیار کرتی ہیں۔۔۔۔ کہیں وہ بل کھاتی ناگن جیسی دکھائی دیتی ہیں، تو کہیں ان کے پیچ وخم وضع وضع کے رنگ دکھا رہے ہیں۔




کہیں بن کر سنوری ہیں تو کہیں بکھر کر نکھری ہیں۔ کہیں جوڑے کی شکل میں نسوانیت کا اظہار کر رہی ہیں، تو کہیں پریشان لٹیں دیکھنے والوں کی آنکھوں کو خیر کیے جا رہی ہیں۔



الغرض یہ گھنیری زلفیں حسن کو ہی دوچند نہیں کر رہیں، بلکہ صنف نازک کی پروقار شخصیت کو اجاگر کر رہی ہے۔