نامعلوم افراد نے گھر میں گھس کر فائرنگ کردی جس کے نتیجے میں میاں، بیوی اور بیٹی جاں بحق ہوگئے۔

پولیس کے مطابق ڈیرہ مراد جمالی کے گوٹھ پلیا خان میں نامعلوم افراد نے گھر میں گھس کر فائرنگ کردی جس کے نتیجے میں گھر میں سوئے میاں، بیوی اور ان کی 7 سالہ بیٹی موقع پر ہی جاں بحق ہوگئے۔ پولیس کا کہنا ہے کہ ابتدائی تفتیش کے مطابق واقعہ دیرینہ دشمنی کی بنا پر پیش آیا تاہم مکمل تفتیش کے بعد ہی واقعے کی اصل وجوہات سامنے آئیں گی جب کہ لاشوں کو ڈیرہ مراد جمالی اسپتال منتقل کردیا گیا ہے۔