کنگنا رناوٹ اب مینا کماری کے روپ میں نظرآئیں گی

فلم کی شوٹنگ آئندہ سال سے شروع ہوگی، فوٹو:فائل

---

بالی ووڈ اداکارہ کنگنا رناوٹ نے ماضی کی خوبرو اداکارہ مینا کماری پر بننے والی فلم میں کام کی پیش کش قبول کرلی۔

غیرملکی خبر رساں ادارے مطابق بالی ووڈ اداکارہ کنگنا رناوٹ نے ماضی کی اداکارہ میناکماری کی زندگی پر بننے والی فلم میں کام کی پیشکش قبول کرلی ہے جس کے تحت کنگنا رناوٹ فلم میں مینا کماری کا کردار نبھائیں گے جب کہ فلم کی شوٹنگ آئندہ سال سے شروع ہوگی تاہم بالی ووڈ اداکارہ ان دنوں سجوائے گھوش اور ہنسل مہتا کی فلموں کی شوٹنگ میں مصروف ہیں۔

واضح رہے کہ مینا کماری کا شمار بالی ووڈ کی کامیاب اداکاراؤں میں ہوتا تھا انہوں نے بالی ووڈ کی کامیاب فلمیں چھوٹی بہو اور صاحب ، بیوی اور غلام سمیت دیگر بہترین فلموں میں کام کیا جب کہ وہ جگر کے عارضے کے باعث 1972 میں 39 سال کی عمر میں وفات پاگئیں۔