کرس گیل احمد شہزاد کی حمایت میں نکل آئے

احمد شہزاد اتنے برے نہیں کہ انہیں ڈسپلن کی بنیاد پر ٹیم سے باہر کردیا جائے، ویسٹ انڈین بلے باز۔ فوٹو:فائل

---

پاکستانی اوپننگ بلے باز احمد شہزاد کو بنگلادیش کے خلاف ایک روزہ کرکٹ سے ڈراپ کئے جانے پر ویسٹ انڈیز کے دھواں دھار بلے بازکرس گیل ان کی حمایت میں میدان میں آگئے۔

سماجی رابطے کی ویب سائٹ ٹوئٹر پراپنے پیغام میں کرس گیل کا کہنا تھا کہ احمد شہزاد اتنے برے نہیں کہ انہیں ڈسپلن کی بنیاد پر ٹیم سے باہر کردیا جائے اس حوالے سے پاکستان کرکٹ بورڈ کو اپنے فیصلے پر نظرثانی کرنا چاہیئے۔ کرس گیل نے کہا کہ احمد شہزاد ٹیلنٹڈ بیٹسمین ہیں اس لئے انہیں ضائع نہیں کرنا چاہیئے۔

Heard u been drop @iamAhmadshahzad ...I know you're not a bad boy to be drop for discipline... Come on Pakistan, don't waste this talent.

— Chris Gayle (@henrygayle) April 4, 2015