ملائشیا میں ہیلی کاپٹر حادثے میں وزیراعظم کے چیف آف اسٹاف سمیت 6 افراد ہلاک

ہیلی کاپٹر حادثے کی وجوہات کا پتہ لگانے کے لئے تحقیقات کا آغاز کر دیا گیا ہے، ملائیشین وزیر داخلہ۔ فوٹو:فائل

---

KARACHI: ملائشیا میں ہیلی کاپٹر آگ لگنے کے باعث گر کر تباہ ہو گیا جس کے نتیجے میں وزیراعظم نجیب رزاق کے چیف آف اسٹاف سمیت 6 افراد ہلاک ہوگئے۔

غیر ملکی خبر رساں ادارے کے مطابق کوانٹن سے ملائیشیا کے دارالحکومت کوالالمپور آنے والے ہیلی کاپٹر اچانک آگ بھڑک اٹھی جس کے باعث ہیلی کاپٹر گر کر تباہ ہو گیا، حادثے کے نتیجے میں امریکا میں تعینات سابق ملائیشین سفارتکار سمیت ہیلی کاپٹر میں سوار تمام افراد ہلاک ہو گئے۔ ملائشیا کے وزیر داخلہ نے سابق سفیر جمال الدین جرس کی ہلاکت کی تصدیق کرتے ہوئے کہا کہ تمام 6 افراد کی لاشیں ہیلی کاپٹر کے ملبے سے نکال لی گئی ہیں جب کہ ہیلی کاپٹر حادثے کی وجوہات کا پتہ لگانے کے لئے تحقیقات کا آغاز کر دیا گیا ہے۔