جان ابراہم نے پریانکا کو کرینہ سے زیادہ خوبصورت اور پرکشش قرار دیدیا

جان ابراہم نے بھارت کے ٹی وی پروگرام میں بات کرتے ہوئے کرینہ کے مقابلے میں پریانکا کی تعریفوں کے پُل ہی باندھ ڈالے، فوٹو:فائل

---

LALAMUSA: جان ابراہم نے پر یانکا چوپڑا کو کرینہ سے زیادہ خوبصورت اور پرکشش قراردے کر کرینہ سے اپنا حساب برابر کرڈالا۔

بھارتی ٹی وی کے ایک مقبول پروگرام میں بات کرتے ہوئے جان ابراہم کا کہنا تھا کہ وہ سمجھتے ہیں کرینہ کے مقابلے میں پریانکا زیادہ خوبصورت اورپرکشش ہیں اور جان ابراہم نے اس بات کا اظہار کرکے شاید کرینہ کا وہ حساب برابر کردیا جس میں چھوٹے نواب کی بیگم نے ایک ٹی وی پروگرام میں ہی بات کرتے ہوئے جان ابراہم کی اداکاری کو شدید تنقید کا نشانہ بنایا تھا۔

دوسری جانب بالی ووڈ میں کرینہ کپور کو گلیمرس سے بھرپورخوبصورت اداکارہ قراردیا جاتا ہے اورکئی فلمیں ان کے گلیمر سے بھرپورکردار کی وجہ سے ہی باکس آفس پر کامیاب قرار پائیں۔