لکی مروت میں انسداد دہشتگردی فورس کی کارروائی میں دہشتگرد گرفتار

گرفتار دہشت گرد کو مزید تفتیش کے لئے نامعلوم مقام پر منتقل کردیا گیا ہے، پولیس فوٹو: فائل

---

انسداد دہشت گردی فورس نے کارروائی کے دوران بم دھماکے میں ملوث دہشت گرد کو گرفتار کرلیا۔

ایکسپریس نیوز کے مطابق انسداد دہشت گردی فورس نے دہشت گردوں کی موجودگی کی اطلاع پر لکی مروت کے علاقے تترخیل میں کارروائی کرکے ایک دہشت گرد کو گرفتار کرلیا۔ پولیس کا کہنا ہے کہ گرفتار دہشت گرد 2010 میں شاہ حسن خیل میں والی بال میچ دھماکے میں ملوث ہے جس میں 125 افراد جاں بحق ہوگئے تھے جب کہ اسے مزید تفتیش کے لئے نامعلوم مقام پر منتقل کردیا گیا ہے۔