ایکسپریس انٹرٹینمنٹ کے مارننگ شو ’’سترنگی‘‘ کی سو اقساط مکمل

ایکسپریس انٹرٹینمنٹ سے17نومبر2014کو مارننگ شو ''سترنگی'' کا باقاعدہ آغاز ہوا جس میں مختلف سگیمنٹ کے لیے خصوصی طور پر ایکسپرٹس ''انیلا ولڈن، واجد خان، شکیلہ حسن اور عظیم جعفری'' کو مدعو کیا گیا، شو کی میزبان ٹیلی ویژن کی معروف اداکارہ جویریہ سعود نے اتنے کم عرصہ میں خواتین سے مضبوط رشتہ بنانے میں کامیاب رہی۔


''سترنگی'' کے مشہور سگیمنٹ ''ایکسپریس آگیا'' نے لوگوں میں خوب پذیرائی حاصل کی ،وقت کے ساتھ جہاں اس شو نے لوگوں میں بڑی مقبولیت حاصل کی۔ دوسری جانب ٹی وی کے مشہور آرٹسٹ جو کہ مارننگ شوز میں آنے سے گریز کرتے تھے وہ اس شوکا حصہ بنے، جن میں مشہور کالم نگارمستنصر حسین تارڑ، اداکارہ ثمینہ احمد، قیصر نقوی اوراداکار سلمان شاہد بھی شامل ہیں۔

''سترنگی'' کے شو میں ایسے بڑے فیسٹیول کیے گئے جن میں'' پاکستان فیسٹیول'' ، ''کون بنائے گی بیسٹ سترنگی برائیڈل '' اور ''جاڑا آیا '' شامل ہیں۔ آج ''سترنگی'' کی 100اقساط پوری ہونے جارہی ہیں جس کی پر بھرپور تیاریاں اور اہتمام کیا گیا ہے، شو میں مہمان اعجاز اسلم، صنم چوہدری، مائرہ خان،کرن خان اورشبیر جان موجود ہوں گے،آج کا شو اس لحاظ سے یاد گار ہوگا کہ یہ اس پروگرام کی سینچری ہے جس میں ہلہ ،گلہ،موج مستی کا ماحول نظر آئے گا اور لوگ بھر پور لطف اندوز ہوں گے۔