کراچی کے علاقے لیاری میں رینجرز کی کارروائی گینگ وار کا ملزم ہلاک اور 2 گرفتار
ہلاک اور گرفتار ملزمان کا تعلق گینگ وار کے عزیر بلوچ گروپ سے ہے، ترجمان رینجرز
ملزمان پولیس اہلکاروں کے قتل سمیت بھتے کی متعدد وارداتوں میں مطلوب تھے، ترجمان، فوٹو:فائل
رینجرز نے لیاری میں کارروائی کے دوران گینگ وار کا ایک ملزم ہلاک اور 2 کو گرفتار کرنے کا دعویٰ کیا ہے۔
ترجمان رینجرز کے مطابق لیاری میں جرائم پیشہ افراد کے خلاف کارروائی کے لیے پہنچنے پر علاقے میں موجود ملزمان نے اہلکاروں پر فائرنگ کردی جس کے بعد رینجرز کی جوابی کارروائی میں ایک ملزم ہلاک ہوگیا جب کہ 2 کو گرفتار کرلیا گیا ۔
ترجمان کا کہنا تھا کہ ہلاک اور گرفتار ملزمان کا تعلق گینگ وار کے عزیر بلوچ گروپ سے ہے اور ملزمان پولیس اہلکاروں کے قتل سمیت بھتے کی متعدد وارداتوں میں مطلوب تھے جب کہ ان کے قبضے سے اسلحہ بھی برآمد کیا گیا ہے۔
ترجمان رینجرز کے مطابق لیاری میں جرائم پیشہ افراد کے خلاف کارروائی کے لیے پہنچنے پر علاقے میں موجود ملزمان نے اہلکاروں پر فائرنگ کردی جس کے بعد رینجرز کی جوابی کارروائی میں ایک ملزم ہلاک ہوگیا جب کہ 2 کو گرفتار کرلیا گیا ۔
ترجمان کا کہنا تھا کہ ہلاک اور گرفتار ملزمان کا تعلق گینگ وار کے عزیر بلوچ گروپ سے ہے اور ملزمان پولیس اہلکاروں کے قتل سمیت بھتے کی متعدد وارداتوں میں مطلوب تھے جب کہ ان کے قبضے سے اسلحہ بھی برآمد کیا گیا ہے۔