سینٹرل جیل مچھ میں 2 قیدیوں کی پھانسی روک دی گئی

سینٹرل جیل مچھ میں سزائے موت کے منتظر 2 قیدیوں کی پھانسی عین وقت پر روک دی گئی۔


ایکسپریس نیوز کے مطابق سینٹرل جیل مچھ میں سزائے موت کے منتظر 2 قیدیوں کی پھانسی عین وقت پر روک دی گئی۔ جیل انتظامیہ کے مطابق سزائے موت کےمنتظر 2 بھائیوں میروگل اورعلی گل کوآج علی الصبح مچھ جیل میں پھانسی دی جانی تھی تاہم فریقین میں راضی نامہ ہونے کی وجہ سے پھانسی روک دی گئی۔ دونوں بھائیوں نے2001 میں بختیارآباد میں 2افراد کو قتل کیا تھا۔