ریحام خان کے ساتھ گاڑی میں بیٹھنے کے لئے تحریک انصاف کی خاتون رہنما لڑ پڑیں

ناز بلوچ نے اپنے علاوہ کسی دوسری خاتون رہنما کو گاڑی میں بیٹھنے ہی نہ دیا۔ فوٹو: ٹوئٹر

---

پاکستان تحریک انصاف کے چیرمین عمران خان کی اہلیہ ریحام خان کے ہمراہ گاڑی میں بیٹھنے پر ناز بلوچ اور ڈاکٹر سیما ضیا لڑپڑیں۔

ایکسپریس نیوزکے مطابق کراچی ایئرپورٹ پر ریحام خان کا استقبال تحریک انصاف کی رہنما ناز بلوچ، نادیہ ربانی اور ڈاکٹر سیما ضیا سمیت دیگر خواتین رہنماؤں نے کیا لیکن جب ریحام خان وہاں سے روانہ ہوئیں تو ان کے ہمراہ گاڑی میں ناز بلوچ سوار ہوئیں، اس موقع پر تحریک انصاف کی ایک اور خاتون رہنما ڈاکٹر سیما ضیا نے بھی گاڑی میں بیٹھنے کی کوشش کی لیکن ناز بلوچ نے انہیں گاڑی میں بٹھانے سے انکارکردیا۔

ناز بلوچ کے انکار کے بعد دونوں رہنماؤں کے درمیان تلخ کلامی شروع ہوگئی اور سیما ضیا نے جتایا کہ وہ گزشتہ 24 گھنٹے سے عمران خان اور ریحام خان کے استقبال کی تیاریاں کررہی تھیں اس سلسلے میں وہ خواتین کارکنوں کو ایئر پورٹ پر بھی لائیں ہیں لیکن اس کے باوجود انہیں گاڑی میں نہیں بٹھایا جارہا جو کہ سراسر ناانصافی ہے لیکن ناز بلوچ نے انہیں جگہ دینے کے بجائے گاڑی آگے بڑھا دی۔