عمران ہاشمی فلم میں سابق بھارتی کپتان اظہرالدین کا کردارادا کریں گے

فلم کی شوٹنگ جون میں شروع کی جائے گی، فوٹو:فائل

---

بالی ووڈ اسٹارعمران ہاشمی اپنے نئی آنے والی فلم میں کرکٹر بنیں گے جس میں وہ سابق بھارتی کپتان اظہر الدین کا کردار نبھائیں گے۔

بھارتی میڈیا کے مطابق عمران ہاشمی سابق بھارتی کپتان اظہر الدین کی زندگی پر بننے والی فلم میں مرکزی کردار اداکریں گے اور وہ کسی بھی فلم میں پہلی مرتبہ کرکٹ کھیلتے نظر آئیں گے۔ سابق بھارتی کپتان اظہر الدین پر بننے والی فلم کی عکس بندی کرکٹ کے تاریخی گراؤنڈ لارڈز کے علاوہ ان مقامات پر بھی کی جائے گی جہاں اظہر الدین کرکٹ کھیلتے رہے ہیں جب کہ فلم کی شوٹنگ جون سے شروع ہوگی۔ عمران ہاشمی آج کل اپنی نئی فلم ''مسٹر ایکس'' کی پروموشن میں مصروف ہیں۔

واضح رہے کہ اظہرالدین کی ازدواجی زندگی اہم مسائل سے دوچاررہی ہے جس کا فلم میں بھی احاطہ کیا گیا ہے جب کہ فلم کے ڈائریکٹر اینتھونی ڈی سوزا ہیں اور فلم کو اظہرالدین کی زندگی لیے ایک اہم سنگ میل قراردیا جارہا ہے۔