کالج ٹاؤن کے علاقے میں گھر میں دستی بم پھٹنے سے 2 بچے جاں بحق اور ایک بچی زخمی ہوگئی۔

کالج ٹاؤن میں واقع ظاہر نامی شخص کے گھر میں نامعلوم افراد کی جانب سے پھیکا گیا بم دیکھ کر بچے اس سے کھیلنے لگے۔ اسی دوران اچانک دھماکا ہوگیا جس سے 3 بچے شدید زخمی ہو گئے۔ بچوں کو اسپتال منتقل کیا گیا جہاں 2 بچے طاہر اور ذاکر زخموں کی تاب نہ لاتے ہوئے جاں بحق ہوگئے جبکہ زخمی بچی ریشماں کو طبی امداد فراہم کی جارہی ہے۔