سانحہ تربت میں جاں بحق افراد آبائی علاقوں میں سپرد خاک

سانحہ تربت میں جاں بحق ہونے والے افراد کو ان کے آبائی علاقوں میں سپرد خاک کردیا گیا۔

ایکسپریس نیوز کے مطابق رحیم یارخان کے چک 212 میں تربت سانحہ میں جاں بحق ہونے والے 7 افراد کی اجتماعی نمازجنازہ میں ان کے لواحقین اور عزیز و اقارب کے علاوہ علاقے کی اہم سیاسی شخصیات اور عوام کی بڑی تعداد نے شرکت کی۔ صادق آباد کے علاقے اسماعیل شاہ میں بھی 6 افراد کو سپرد خاک کردیا گیا۔


تھر پارکر کی تحصیل اسلام کوٹ کے نواحی علاقہ گوٹھ چون ہار میں صوبیدار ولد خمیسو، مجنوں ولد خمیسو،مجید، 20 سالہ قارو اور نالئے مٹھو عرف لالو کو ان کے آبائی قبرستان میں سپرد خاک کردیا گیا اس کے علاوہ بدین میں بھی 2 افراد کی تدفین کردی گئی۔

https://www.dailymotion.com/video/x2mgjj8