کراچی میں کاؤنٹر ٹیررازم ڈپارٹمنٹ کی کارروائی القاعدہ کے 5 دہشت گرد ہلاک

ملزمان نے علاقے میں بارود کی فیکٹری بھی قائم کی ہوئی تھی، راجہ عمر خطاب۔ فوٹو : فائل

---

اورنگی ٹاؤن میں کاؤنٹر ٹیررازم ڈپارٹمنٹ نے کارروائی کے دوران القاعدہ کے 2 کمانڈر سمیت 5 دہشت گردوں کو ہلاک کرنے کا دعویٰ کیا ہے۔

انچارج سی ٹی ڈی راجاعمر خطاب کے مطابق کاؤنٹر ٹیررازم ڈپارٹمنٹ نے کراچی میں اورنگی ٹاون کے علاقے خیرآباد میں دہشت گردوں کی موجودگی کی خفیہ اطلاع پر چھاپہ مارا جس پر وہاں چھپے ہوئے ملزمان نے فائرنگ کردی جس کے بعد سی ٹی ڈی اہلکاروں کی جوابی فائرنگ کے نتیجے میں 5 دہشت گرد ہلاک ہوگئے۔

راجاعمرخطاب کا کہنا تھا کہ ہلاک دہشت گردوں کا تعلق القاعدہ سے ہے اور ان میں اس کے 2 کمانڈر بھی شامل ہیں، ملزمان نے علاقے میں بارود کی فیکٹری بھی قائم کی ہوئی تھی جب کہ ان کے قبضے سے بھاری ہتھیار اور اسلحہ برآمد ہوا ہے۔